العيد الوطني الإماراتي
- Hessa
- Dec 3, 2018
- 1 min read
Updated: Mar 11, 2022
مرحبا الساع
اليوم 2 ديسمبر، الّي هو يوم الاتحاد.
في ها اليوم، الناس يحتفلون بالعيد الوطني.
شي ناس يتزاورون و حد منهم يحبّ يتمشّى ويّا عياله و شي ناس يحبون يشاركون في مسيرة أو يحضرون عروض تراثية.
أنا في هاليوم سرت أتمشّى، ويلست في مطعم إماراتي اسمه "الفنر". طلبت لي قهوة إماراتية ولقيمات.
حبّيت قهوتهم بس لقيمات كانت عادية و من داخل شوي عيين (عجين). الصراحة، لقيمات بيتنا وايد أحلى 😛
لكن خدمتهم وايد زينة و اليلسة مريحة خصّة إن الجو الحينة رهيييب.
چـد احتفلتــ/ــي باليوم الوطني الاماراتي؟
شو تسوّون في هاليوم؟
وكيف تحتفلون باليوم الوطني في بلادكم؟
Comments